#劇透 #慎入
今個暑假pixar又有新片《盛夏友晴天》我家鐵粉一定第一時間買飛入場睇，首先我覺得戲名有D 老土囉，好似友台的下午時段播放廠底貨的劇名😅人哋直接用上主角名稱Luca就已經夠，不過在港放映冇辧法一定要用番個中文名！所以我都明白真係幾難諗～
另外，駒戲播咗頭幾分鐘，我就已經諗起pixar的另一套動畫《Finding Nemo》同樣係講主角一直受父母的保護，自出生就留在海底生活，直至有一天有機會上水面，對水以外的世界充滿好奇，後來結識到新朋友，與他們一起去歷險，接受挑戰，可以話冇咩新意，相比較早前的《Soul》，好睇程度真係相差好遠！
不過。。。
睇完之後，我問哥哥同芊芊，佢哋都話好睇過《Soul》，我先發現原來唔同人睇有唔同感覺，小朋友追求的就是簡單，反而佢哋個共鳴位在友情之間，最後主角離別時，哥哥竟然有感動流眼淚，所以看來在大人角度未必係一套充滿思考人生的片子，但對小朋友卻係純真直接的一套動畫，還是值得一看！👍🏻
Search